Mirësevini në Botimet Argeta-LMG
Shtëpia Botuese “Argeta-LMG” u themelua më 4 Nentor 1996 me seli në Tiranë. Serioziteti në botime dhe përzgjedhja e titujve, na bëjnë në një kohë shumë të shkurtër një ndër shtëpitë më prestigjioze shqiptare.
Për t’u paraqitur sa më mirë para lexuesit, kjo shtëpi botuese ka krijuar një redaksi me personel të kualifikuar. Vend të rëndësishëm në botimet e kësaj shtëpie botuese zënë veprat me rëndësi historike kombëtare, në të cilat janë trajtuar problemet e historisë, të gjuhës, kulturës e traditës së popullit shqiptar.
Janë botuar shumë vepra të shkruara nga autorë të huaj për Shqipërinë dhe shqiptarët, gjithashtu edhe letërsi klasike e cila përmbledh një pjesë të mirë të botimeve të kësaj shtëpie botuese. Me kujdes janë parë edhe veprat bashkëkohore. Kjo shtëpi botuese për t’u ardhur në ndihmë nxënësve dhe mësuesve ka botuar dhe ribotuar shumë libra të programit të detyruar për shkollën 9-vjeçare, të mesme dhe universitet. Një vënd shumë të rëndësishëm zë dhe letërsia për fëmijë nga autorët më të pëlqyer botëror. Me rëndësi të madhe janë botimet e letërsisë së traditës si: fjalë të urta, gjëegjëza, aforizma etj. Një numër botimesh janë nga emigrantët shqiptarë që ndodhen në vende të ndryshme të botës. Po kështu në botimet tona bëjnë pjesë dhe botimet e autorëve nga Kosova.